top of page

暗瘡大作戰!!! 中醫、西醫、護膚品、facial 乜都試哂! 最後幫我KO暗瘡炎症嘅係佢!!!

中學個陣我係完全唔生暗瘡的
係直到大學時期 無啦啦皮膚大爆發
個個見到我塊面都問我咩事
個段日子係極無自信極唔開心
但 係 我 而 家 係


好 返 哂 ! ( 超感動 wuwu )
基本上咩野有關醫暗瘡嘅野我都試過哂! call me 暗瘡大師!
最後係用咗4年時間先醫得好
相信被暗瘡困擾緊嘅BB 一定好想知我做咗啲咩結束呢幾年嘅暗瘡經歷!
而家即刻講! ! ! 

我的暗瘡:腮邊瘡...

首先講下我啲暗瘡:主要生喺腮邊
所以正面睇係好正常 但側面係... 發生咩事...
由最初頭只係幾粒 爆到無法收拾只係1-2個月時間
其實啱啱開始爆就應該即刻處理
但個陣以為因為食得多M記熱氣爆多啲姐, 就無特別理
去到爆得多時 唔單止醫嘅時間好長
而且暗瘡印都好多呀... 令暗瘡的路更漫長....
(圖片中不是最嚴重的時候!!! 因為個陣實在唔想影相...)

中醫調理:飲咗3個月中藥都無好轉

最初我mammy就叫我去睇中醫諮調理下啦
因為我由細到大都有腸胃麻麻 有便秘問題
而中醫都話我生暗瘡係因為腸胃問題
所以我好乖咁飲咗3個月中藥
但塊面啲暗瘡0起息.... 只係係咁肚痾...
加上中藥真係好苦 所有放棄咗 (而家聞到中藥都想嘔)

西醫皮膚科 : 轉skincare + 食四環素

淨係西醫我都睇咗好幾個
最初醫生開咗啲四環素 同埋比咗堆skincare我
四環素我都唔記得食左幾耐
淨係覺得完全無效果= = 
而啲skincare 其實都係啲低敏護膚品... 
對我啲暗瘡係完全無幫助= =

西醫皮膚科 : 口服A酸

我total 係食過2次A酸療程(每次食半年左右)
第一個療程食完好返咗一個冬天 
停藥後 夏天一到 皮膚又差返 又開始爆瘡... 所以又要食第2次
食A酸嘅期間 皮膚、嘴唇係極乾
乾到我用凡士林厚敷一晚 第2朝起身個嘴都係甩哂皮! 
而且食A酸係好傷身的TT
媽咪都勸咗我好多次唔好食A酸, 要keep住check個盰
不過當時嘅我 覺得只要唔再爆瘡就咩都得Q Q
至於塊面 食完A酸其實好咗好多 但到一到夏天都一樣會爆
只係由爆100粒轉變成爆40粒咁嘅狀況... 

試過換哂啲護膚品/暗瘡肌專用護膚品

skincare 我真係用過極多... 多到我覺得可以另外寫一篇講
不如講下啲印象比較深刻嘅product (有好有唔好)

1. // 千萬不要用 // 家用果酸

有個一樣受暗瘡困擾嘅朋友推薦我用家用果酸
我用完家用果酸... 爆得仲勁過未用前...
朋友話係正常 叫我試下keep住用夠一個月... 結果都係唔得
feel到皮膚本身已經爆得好嚴重 再用果酸刺激佢...
用完係又紅又腫... (完全唔明點解個陣夠膽試...) 
所以 我唔太推薦大家自己做果酸
要做都係出去搵專業嘅做啦!!!

2. 將成set skincare換成低敏配方

其實低敏skincare係好嘅 起碼唔會再刺激到皮膚丫麻
但絕對唔會因為你換完set skincare 皮膚就變好
只係起到附助嘅作用~

3. Paula's Choice 水楊酸煥采精華液

Paula's Choice 灰色水楊酸係真係幫到我收哂啲暗瘡皮! 
用咗一星期左右 啲暗瘡謝哂!!!
但! 但! 但! 佢都有佢嘅缺點
因為我係用手指塗啲精華上塊面 用完連手指都乾到甩皮
而水楊酸雖然係醫好咗庬嘅敏瘡
但令我之後嘅皮膚變得好脆弱同敏感
用之前我係唔會對貓毛敏感
用完佢之後 而家係好易對貓痕+紅
// 所以我只推薦比極嚴重嘅油性暗瘡肌 //
如不是太嚴重就不要用了 得不償失!!

一個手勢好嘅針清

手勢唔好嘅針清,係會令你喺同一個位爆完再爆
但手勢好嘅針清係可以幫到你斷尾! 
清得夠乾淨先唔會再喺同一個位生完又生!!!

Glowy 反痘奇兵 : 最後係靠佢收哂暗瘡皮 + 養返好啲皮膚!

因為我家姐係中學爆瘡爆到大
所以佢都推介咗好多佢覺得work嘅野比我!
最後係佢拉埋我一齊做glowy 反痘奇兵嫁! 
因為我啲暗瘡多數都係夏天出完街爆得特別勁
最後終於搵到最大原因:就係香港空氣差(缺氧)+潮濕
缺氧嘅情況下 係特別多皮膚問題
輕則係暗淡、毛孔粗大;重則就係大爆瘡
而反痘奇兵係用高濃度積雪草精華+純氧氧氣罩
過程係幫我地皮膚細胞修復、加強返皮膚屏障 
令皮膚變得好穩定 唔會再容易受外來污糟物刺激!

醫暗瘡 冬天係最佳時機
成個夏天就係預防啲皮膚唔好生暗瘡
冬天皮膚相對穩定 就係最好嘅時機養好佢
我keep住做反痘奇兵做咗一個冬天 
將皮膚養得健康啲 修復返皮膚屏障
到夏天/轉季 最易爆瘡嘅日子都無再復發!!!
反痘奇兵係推薦比任何膚質嘅人士
如果覺得好易爆瘡、發炎、敏感、泛紅
一定要試下
敏感肌! 暗瘡肌! 今 次 有 救 啦 ! ! ! 
喺香港係好難擁有靚皮膚! 因為天氣潮濕+空氣差,所以十個有八個都有皮膚問題...終於搵到最啱香港女生嘅完美treatment: 反痘奇兵! 反痘奇兵可以幫你提升皮膚免疫力,令你皮膚變健康穩定,以後唔再容易因為外界污糟野引起皮膚敏感!!! 
反痘奇兵可以帶比你「媽生好皮 !」:
✓ 減少暗瘡復發
✓ 唔會再容易敏感
✓ 修復受損屏障
✓ 增強皮膚免疫力




bottom of page